Сәкен Шерханов
Америкадағы қазақ ғалымы: Қазақстан мені неге шақырмайды?
Мен Америкада өмірімнің жартысын өткізіп жатырмын. Келесі жартысы қайда өрбитінін білмеймін. Елге тартпайды емес, тартады. «Ауылдан адам кеткенмен, адамнан ауыл кетпейді» демекші, мен Қазақстаннан кеткеніммен, Қазақстан менен кетпейді. «Еліңді, жеріңді, тіліңді ұмытпа» деп санама құйған ата-анамның тәрбиесі қаныма сіңіп кеткен. Оңтүстік өңірде өскенім де рөл ойнайды.
