Нұротандықтар Алматыдағы жол жөндеу жұмыстарының сапасын бақылауға алды

«Nur Otan» партиясы Алматы қалалық филиалының партиялық бақылау комиссиясы қазудан кейін жол төсемі қалпына келтірілетін учаскелерде бұзушылықтарды анықтау бойынша тұрақты негізде жұмыс жүргізуде. Мысалы, мониторингтік топ құрамында жол құралдары бойынша мамандардың қатысуымен «Желтоқсан көшесі, Сәтпаев көшесінен төмен» учаскесіне шығу болды, онда қазіргі уақытта қаланың троллейбус желілерінің қолданыстағы байланыс-кабельдік желілерін жөндеу және қайта жаңарту жүзеге асырылуда. Жұмысты мердігерлік ұйым «Элекрокабель» ЖШС орындайды, аяқталу мерзімі 2022 жылдың наурыз айына жоспарланған. Осылайша, мониторингтік топ бірқатар маңызды ескертулерді анықтады: қазу барысында алынған топырақты қайта көму үшін пайдалану салдарынан жол жабынының негізін отырғызу; негізгі жабынның маркасы мен сапасына сәйкес келмейтін ұсақ түйіршікті асфальтты қолдану; асфальт төсемінің түйісулеріндегі көптеген кедір-бұдырлар, жол таңбасының болмауы және басқалар. Ал асфальтбетон жабынын төсеуге дайындалған учаскелерде сигналдық таспалардың болмауы Алматы тұрғынына ауыр жарақат алуға ықпал етті. Сапар қорытындысы бойынша Алматы қаласының Қала құрылысын бақылау басқармасы «Nur Otan» партиясының Алматы қалалық филиалымен бірлесіп, 312-баптың 1-бөлігі бойынша Әкімшілік құқық бұзушылық туралы хаттама жасады. Уәкілетті органдар мен мердігер ұйымдарға жүргізілген жөндеу жұмыстарының сапасы мен тиісті бақылауды жүзеге асыру үшін нақты ұсыныстар берілді.

Серіктес жаңалықтары