491
Моңғолияда Шәмші әндерінің байқауы жарияланды
Моңғолияда Шәмші әндерінің байқауы жарияланды
Моңғолияның Баян-Өлгей аймағында Қазақстанның халық әртісі, композитор, қазақ мәдениеті мен ән өнеріне еңбегі сіңген қайраткер, қазақ вальсінің королі Шәмші Қалдаяқов әндерінің байқауы жарияланды.
Сайыс сазгердің туғанына 90 жыл толуына орай ұйымдастырылып отыр. Карантин тәртібіне орай байқау онлайн форматта өткізілмек.
«Қазақ халқының ұлттық мақтанышына айналған ұлы композиторды ұлықтау әрі қазағымыздың өнерлі жастарының өнерін дәріптеу мақсатында «Шәмші Қалдаяқов əндерін шырқайық» атты өнер жарысын ұйымдастырмақшымыз», – дейді өнер бәйгесін ұйымдастырушы «Аlash Мongolia» бейресми ұйымының өкілдері.
Жеңімпаздар 29 қараша күні анықталады. Жүлделі орын алып, топ жарған өнерпаздар қаржылай сыйлықтармен ынталандырылмақ.
