Ішкі туризм жыл басынан бері 6 пайызға өсті

Алматы, Алакөл, Бұқтырма, Бурабай бұрынғыдай танымал бағыттар болып есептеледі, деп мәлімдеді Инвестициялар және даму министрі Жеңіс Қасымбек Орталық коммуникациялар қызметінде өткен баспасөз конференциясында. «Туризмді дамыту туризм саласын дамытудың 2020 жылға дейінгі Тұжырымдамасына сәйкес жүріп жатыр. 20 экономикалық дамыған елдер үшін бүгін визасыз режим жұмыс жасайды, негізінен бұл біздің ірі инвесторларымыз. 2017 жылдың қаңтарынан бастап Экономикалық ынтымақтастық және даму ұйымы (ЭЫДҰ) елдері мен 14 экономикалық дамыған және саяси тұрақты мемлекеттер үшін визасыз режим енгізіледі. Барлығы – 48 мемлекет. Бұл Қазақстандағы елге келушілер туризміне жаңа серпін береді», деді Ж.Қасымбек. Министрдің айтуынша, соңғы екі-үш жылда Ресей, Германия, Нидерланды және Ұлыбританиядан келген туристер саны артып отыр. «Ішкі туризмнің өсімі байқалуда. Бірінші жартыжылдықта өсім өткен жылдың сәйкес кезеңімен салыстырғанда шамамен 6 пайызды құрады. Бұрынғыдай Бурабай, Алматы, Алакөл және Бұқтырма халық көп баратын негізгі бағыттар болып отыр. Осыған байланысты біз бұл бағыттардағы инфрақұрылымдарды салу бойынша жоспарларды реттейміз. Қонақ үйлер саны артып келеді. Егер 10 жыл бұрын Қазақстанда барлығы 871 қонақ үй болса, бүгін олардың саны 2 445. Қызмет көрсету көлемі 2015 жылдың қорытындысы бойынша 73 млрд теңгені құрады», деді Ж. Қасымбек.

Серіктес жаңалықтары