50587
Жас ғалымдарды қолдауға 3 миллиард теңге бөлінеді – Мемлекет басшысы
Жас ғалымдарды қолдауға 3 миллиард теңге бөлінеді – Мемлекет басшысы
«Жас ғалым» жобасы аясында 1 000 жас маманға грант бөлу үшін 3 миллиард теңге бөлінеді. Бұл туралы Президенттің баспасөз хатшысы Берік Уәли мәлімдеді.
Мемлекет басшысы 2020 жылы «Жаңа жағдайдағы Қазақстан: іс-қимыл кезеңі» атты Жолдауында ғылым саласын дамыту бойынша нақты тапсырмалар берген еді. – Үкіметке жыл сайын әлемнің жетекші ғылыми орталықтарында 500 ғалымның тағылымдамадан өтуін қамтамасыз етуді, сондай-ақ, «Жас ғалым» жобасы аясында зерттеу жүргізу үшін 1000 грант бөлуді тапсырамын, – деді Президент.
Берік Уәлидің айтуынша, бүгінде әлемнің жетекші ғылыми орталықтарында тағылымдамадан өту үшін ғалымдарға бөлінген 500 грантты, сондай-ақ, «Жас ғалым» жобасы бойынша жас ғалымдарға арналған 1 000 грантты қаржыландыру механизмдері анықталды.
Ғалымдарға тағылымдамадан өтуге бөлінген 500 грантты қаржыландыру үшін 1,35 миллиард теңге көлемінде бюджеттік өтінім қабылданды, – деп жазды Президенттің баспасөз хатшысы.
Сонымен бірге, тағылымдамадан өту ережелері пысықталып, үміткерлерді іріктеудің талаптары әзірленіп, тағылымдамадан өткісі келетін 1 000 жас ғалымның мәліметтер қоры жасақталғаны да айтылған.
