50292
48 жастағы турист ұшақ дәретханасында өз-өзіне қол жұмсаған
48 жастағы турист ұшақ дәретханасында өз-өзіне қол жұмсаған
48 жастағы ресейлік азамат Шарм-эль-Шейх-Самара бағытындағы рейс кезінде ұшақ дәретханасында өз-өзіне қол жұмсаған. Бұл туралы Lenta.ru хабарлайды.
Дәретхана есігін бұзып ашқан бортсеріктер мен сол ұшақта болған дәрігерлер туристке алғашқы медициналық көмек көрсетпек болса да, ол сол жерде тіл тартпастан жан тәсілім еткен. S7 әуекомпаниясының ұшағы шұғыл түрде Каир әуежайына қонуға мәжбүр болды.
Белгілі болғандай, ұшақта болғандар ресейліктің ұшар алдында оғаш қылықтар істеп, өз-өзімен сөйлескенін байқаған. Ал туристің туыстары жуырда Таиланд елінде болған жол апаты салдарынан оның денсаулығында кінәрат пайда болғанын айтады.
