Ресейден Қазақстанға ірі көлемде есірткі тасымалдағандар ұсталды

Қазақстан мен Ресейдің Ішкі істер министрліктері ірі трансұлттық синтетиканы жеткізу арнасын жойды деп хабарлады turkystan.kz. Қазақстан Республикасы және Ресей Федерациясы Ішкі істер министрліктерінің есірткі қылмысына қарсы іс-қимыл жөніндегі бөліністерімен синтетикалық есірткілерді пошта жөнелтілімдері арқылы жеткізу арнасының жолын кесу бойынша екі елдің аумағында арнайы операция жүргізілді. ІІМ Есірткі қылмысына қарсы іс-қимыл департаменті бастығының міндетін атқарушы Асқар Мұхаметқалиевтің айтуынша, фигуранттарға жедел әзірлеме жасау үшін ІІМ орталық аппаратының, Полиция департаменттері мен Жамбыл облысы бойынша ҰҚК-нің тәжірибелі қызметкерлері арасынан арнайы топ құрылды. Омбы және Тараз қалаларында бір мезгілде жүргізілген іс-шаралар нәтижесінде полицейлер Ресей Федерациясындағы синтетикалық есірткілердің негізгі жөнелтушісін және Қазақстанда оны қабылдап алушыны ұстады. Фигуранттардың тұрғылықты жерлері бойынша тінту барысында ірі есірткі зертханалары анықталды. Ұсталған Омбы қаласының тұрғыны «синтетиканы» дайындап, пошта жөнелтілімдері арқылы Орталық Азия елдеріне, оның ішінде Қазақстанға жіберіп отырған. Осы ретте ол жасанды құжаттарды пайдаланып, сәлемдемелерді түрлі тауарлар – машина майы, тұрмыстық химия және т.б. түрінде жасырып отырған. Полицейлер жалпы сомасы 9,5 млн. астам АҚШ доллары болатын 260 кг қолдануға дайын есірткіні тәркіледі. 2021 жылдың қазан айы мен ағымдағы жылдың сәуір айы аралығында жүргізілген арнайы операция нәтижесінде полиция қызметкерлері Алматы, Алтай, Ақтөбе, Атырау, Тараз және Қызылорда қалаларында синтетикалық есірткі өндірумен және таратумен айналысқан Қазақстанның 13 азаматын ұстады. Тағы оқи отырыңыз: Бір жыл бойы пара алған шымкенттік майор ұсталды

Серіктес жаңалықтары