50718
«Ирина Кайратовна» тобының мүшесі халықтан кешірім сұрады (ВИДЕО)
«Ирина Кайратовна» тобының мүшесі халықтан кешірім сұрады (ВИДЕО)
Әлеуметтік желіде «Ирина Кайратовна» мен Shiza есімді әншінің концерт кезіндегі бейәдеп әрекеттері жұрттың сынына қалған еді. Сахнада топ мүшелері Қазақстанның мемлекеттік рәмізі – Туға құрметсіздік танытып, сахнада балағат сөздер айтқан деп хабарлады turkystan.kz.
Танымал топтың мүшесі Азамат Маркленов желіде өзінің қателігін түсініп, халықтан кешірім сұраған видеосын жариялады.
Ал әлеуметтік желі қолданушылары Азамат Маркленов пен Асхат Жолшиевтің сахнадағы әрекетін сынға алып, заң жүзінде шара қолдануын талап етіп жатыр.
Айта кетсек, 25 мамырда Алматыдағы Балуан Шолақ атындағы Спорт сарайында «Ирина Кайратовна» мен Shiza-ның концерті өткен болатын.
Видеоға қатысты журналист Гүлмира Әбіқай facebook-тегі парақшасында пікір білдірді.
«КЕШЕДЕН БЕРІ Халықтың алғысына емес қарғысына қалған ИК Көк тудың желбірегені Жүректің елжірегені… демекші, халық әншілерге бәрін кешіреді… ішкенін, шеккенін, дегенмен мемлекеттік рәміздерді қорлағандар заңды жауапкершілікке тартылады! Заң - Итбай, Чертбайға ортақ!» - деді журналист.
Посмотреть эту публикацию в Instagram
