Елімізде халық саны бір жылда 1,2 пайызға өсті

Стратегиялық жоспарлау және реформалар агенттігінің Ұлттық статистика бюросы еліміздің демографиялық жағдайы туралы мәлімет ұсынды. 2021 жылғы 1 мамырмен салыстырғанда халық саны 236,9 мың адамға өсті, деп хабарлады turkystan.kz Zakon.kz сайтына сілтеме жасап.

«2022 жылы 1 мамырда еліміздегі халық саны 19 199,8 мың адам болды, оның ішінде қалалықтар – 11 442,9 мың (59,6%), ауылдықтар – 7 756,9 мың адам (40,4%). 2021 жылғы 1 мамырмен салыстырғанда халық саны 236,9 мың адамға немесе 1,2%-ға өсті», – делінген хабарламада.

Ұлттық статистика бюросының мәліметінше, 2022 жылғы қаңтар-сәуірде республика халқының табиғи өсімі 2021 жылғы қаңтар-сәуірмен салыстырғанда (88 мың адам) 9,8%-ға кеміп, 79,3 мың адам болды. Табиғи өсімнің жалпы коэффициенті 1 000 адамға шаққанда 12,54 адам болды. АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, 2022 жылғы қаңтар-сәуірде туғандар саны 127 мың адам болды, бұл 2021 жылғы қаңтар-сәуірге (137,4 мың адам) қарағанда 7,6%-ға аз.

Серіктес жаңалықтары