Азық-түлік тапшылығы жайлады – БҰҰ

Африканың Эфиопия, Сомали мен Кения елдерінде қуаңшылықтан 18 млн адам зардап шекті. Табиғат апатынан аймақта азық-түлік дағдарысы ушығып тұр деп хабарлады turkystan.kz.  Ашқұрсақ жүрген халық елін тастап босып кетті. БҰҰ кейінгі онжылдықта Шығыс Африкада шетел асқан келімсектер саны 2 миллионнан 5 миллионға дейін артқанын айтады. Былтыр 300 мың адамға көбейген. Африканың көптеген елі азық-түлік импортына тәуелді. Қазір әлемдегі геосаяси ахуалға байланысты алыс-беріс пен барыс-келіс тұралап тұр. Украинадағы соғыс басталғалы аймаққа тыңайтқыш, май мен дәнді дақылдардың жеткізілуі қиындап кетті. Салдарынан баға өсіп, инфляция шарықтады.

«Климаттық дағдарыстан кей өңірлерде өмір сүру мүмкін емес. Халық тамақ пен ауыз су іздеп өзге елдің есігін қағып босып жүр. Азық-түлік тапшылығы мәселесінің өзектілігі жыл өткен сайын ушығып барады. Биыл Украина мен Ресей арасындағы текетірес жағдайды одан бетер қиындатып жіберді», – деді профессор Мачариа Мунене.

Серіктес жаңалықтары