50938
Алматыда Астана күні қалай тойланады?
Алматыда Астана күні қалай тойланады?
Астана күніне орай Алматының түрлі аудандарында концерттер мен бұқаралық ойын-сауық іс-шаралары өтеді деп хабарлады turkystan.kz.
Қалалық әкімідіктің мәліметінше, Горький атындағы орталық мәдениет және демалыс саябағында сағат 12.00-де қаланың шығармашылық ұжымдарының қатысуымен мерекелік концерт өтеді.
Шығармашылық ұжымдардың қатысуымен концерттер келесі орындарда өтеді:
12.00 – Түрксіб ауданында – Сауранбаев және Спартак көшелерінің қиылысында;
15.00 – Сейфуллин көшесіндегі Mega Park сауда-ойын-сауық орталығының жанында;
18.00 – Шұғыла, 347 мекенжайдағы Наурызбай ауданы әкімдігінің жанындағы алаңда.
Сағат 20.00-де Республика сарайының жанындағы Абай алаңында «101» тобы, Парвиз Назаров, «Кешью» тобы, «Үркер» тобы, Айдана Меденова, Нұржан Керменбаев, Серік Ибрагимов және т.б. эстрада жұлдыздарының қатысуымен ашық аспан астында үлкен концерт өтеді.
