50358
Индонезияда футбол ойынынан кейін 127 адам қаза болған (ВИДЕО)
Индонезияда футбол ойынынан кейін 127 адам қаза болған (ВИДЕО)
1 қазанда Маланг қаласындағы «Канджурухан» стадионында футбол матчінен кейін қайғылы оқиға болды деп хабарлады turkystan.kz tengrinews.kz сайтына сілтеме жасап.
Сенбіде Индонезия чемпионатының матчінде «Арема» және «Парсебайя» командалары кездескен болатын. Ойын екінші команданың пайдасына 3:2 есебімен аяқталған болатын.
Финалдық ысқырықтан кейін «Ареманың» жанкүйерлері ашуланып, футбол алаңына қарай жүгірген. Тәртіп сақшылары көзден жас ағызатын газ шаша бастаған.
Адамдар, оның ішінде трибунада отырғандары да қорқып, стадионнан кетпек болған. Салдарынан адамдар сығылысып қалған. Қайғылы оқиға салдарынан 127 адам қаза болған, оның ішінде әйелдер мен балалар да бар. 180-ге жуық адам ауруханаға жеткізілді.
Лига басшылығы алдағы аптадағы бірнеше матч кейінге қалдырылғанын мәлімдеді. Сондай-ақ қайғылы оқиғаға байланысты тергеу жүргізіледі.
BREAKING: At least 127 people killed, 180 injured in riot at football stadium in Indonesia, police say pic.twitter.com/WmuI67yJoi
— BNO News (@BNONews) October 1, 2022
