Аты аңызға айналған «Реал» қақпашысы күтпеген мәлімдеме жасады

Испанияның «Реал Мадрид» құрамасының бұрынғы қақпашысы Икер Касильяс «каминг-аут жасады» деп хабарлады turkystan.kz.

«Маған құрметпен қарайсыздар деп үміттенемін. Мен геймін» деп жазды аты аңызға айналған қақпашы.

Оның мәлімдемесіне Барселона мен Испания құрамасының бұрынғы қорғаушысы Карлес Пуйоль жауап берді.

«Икер, біздің оқиғамызды айтатын уақыт келді» деп жазды ол.

Испанияның бұқаралық ақпарат құралдары мәлімдегендей, бұл – әзіл. БАҚ Касильяс «жұбын әр апта сайын ауыстырады» деп жиі жазады. Осылайша футболшы қауесеттерге әзілмен жауап беруге тырысты. Твиттің өзі «каминг-аутпен» жойылды. Айта кету керек, Касильяс та, Пуйоль де желі қолданушыларының тарапынан сынға ұшырады. Олар спортшыларға каминг-аут жасау қиын екенін, мұндай әзіл оларға көмектеспейтінін жазды.

Серіктес жаңалықтары