50244
Белгілі құқық қорғаушы Қазақстан президенттігіне кандидат ретінде ұсынылды
Белгілі құқық қорғаушы Қазақстан президенттігіне кандидат ретінде ұсынылды
Қазақстан президенттігіне тағы бір әйел адам өз кандидаттығын ұсынды деп хабарлады turkystan.kz.
Орталық сайлау комиссиясының хабарлауынша, танымал құқық қорғаушы әрі қоғам белсендісі Салтанат Тұрсынбекова «Қазақ аналары – дәстүрге жол» республикалық қоғамдық бірлестігі атынан ұсынылды.
Салтанат Тұрсынбекова ұзақ жылдар бойы азаматтық құқықтарды, әсіресе әйелдер мен балалардың құқықтарын қорғап келеді. Әсіресе, тұрмыстық зорлық-зомбылықпен күресу саласында белсенділік танытты.
Астана қаласы Қоғамдық кеңесінің мүшесі. Сонымен қатар ол «Отбасылық зорлық-зомбылықсыз Қазақстан» жобасының жетекшісі болды.
Бүгінгі таңда ОСК Қасым-Жомарт Тоқаевты қосқанда, сайлауға қатысатын 6 кандидатты тіркеді.
Қазақстанда кезектен тыс Президент сайлауы 20 қарашада өтеді.
