Қай қала тұрғындары алтын сатып алуға құмар?

2022 жылдың қыркүйек айында екінші деңгейлі банктер мен банктік емес жекелеген айырбастау пункттерінде жалпы салмағы 124,66 келі 3 099 алтын құйма сатылды деп хабарлады turkystan.kz Ұлттық банкке сілтеме жасап. Халыққа тазартылған алтын құймаларды сату және сатып алу бағдарламасын (бұдан әрі – Бағдарлама) Ұлттық Банк 2017 жылы іске қосқан болатын. Бағдарлама қолға алынғалы жалпы салмағы 3,6 тонна 104 945 алтын құйма сатылған. Алтын құймалар бес түрлі салмақта ұсынылады: 5, 10, 20, 50 және 100 г. Сатып алушылар арасында өте жоғары сұранысқа ие түрі – 10 грамдық алтын құйма. Жалпы, сатылған құймалар арасында оның үлесі 25% – 26 706 дана. Одан кейін 5 грамдық құйма – 22 600 дана (22%) және 20 грамдық құйма – 22 275 дана (21%), 100 грамдық құйма – 21 126 дана (20%), ал 50 граммдық құймадан – 12 238 дана (12%). Ұлттық банк дерегіне сенсек, алтын құймалар Алматы, Нұр-Сұлтан және Атырау қалаларында көп сатылады.

Серіктес жаңалықтары