Батыс Қазақстан облысының әкімі тағайындалды

Мемлекет басшысының Жарлығымен Нариман Төреғалиев Батыс Қазақстан облысының әкімі лауазымына тағайындалды деп хабарлады turkystan.kz.

«Нариман Төреғалиев Батыс Қазақстан облысының әкімі лауазымына тағайындалсын», - делінген Жарлықта.

Нариман Төреғалиев 1964 жылы Орал облысы, Тайпақ ауданы, Есенсай ауылында дүниеге келген. 2017 жылдан бастап бүгінге дейін Сенат депутаты болды. 2012-2015 жылдары Батыс Қазақстан облысы Ақжайық ауданының әкімі қызметін атқарды. 2015-2016 жылдары Батыс Қазақстан облысы әкімінің орынбасары болды. 2016-2017 жылдары Орал қаласының әкімі лауазымын атқарды.

Серіктес жаңалықтары