«Тәртіпсіздік орнағандай»: белгілі қазақстандық актер «Қазақфильмді» сынға алды

Әлеуметтік желіде танымал қазақстандық актер Жан Байжанбаевтың Кинематографияшылар одағының жиналысында сөйлеген сөзінің видеосы жарияланды. Онда актер қазақстандық кино мен «Қазақфильм» киностудиясының дамуы туралы пікір білдірді деп жазды turkystan.kz. Байжанбаев студияда 44 жыл жұмыс істегенін, бірақ соңғы 15 жылда «Қазақфильмнің» жағдайы көңіл көншітпейтінін айтты.

«Мен кинематографтар мен киностудияның жағдайына қатты алаңдаймын. Мемлекеттік кино мен Кинематографияшылар одағы ортақ мәселелерді, актерлер мен режиссерлердің жеке мәселелерін бірге шешкен кезі есімде. Қазір қандай да бір тәртіпсіздік орнағандай. Жас ұрпақ менен: «Студияда не болып жатыр?» - деп сұрағанда, жауап беруге ұяламын. Киностудияны 20 жыл бұрын басқарған адамдарды қатты құрметтеймін. Қазір жағдай мәз емес. Қор бір бағытқа, Кинематографистер одағы басқа бағытқа, киностудия үшінші бағытқа таралды. Өте өкінішті. Көпшілік неге жеңіл фильмдерге түсесің деп сұрайды. Мені өзімнің киностудиям түсіргісі келе ме? Басқаша айтқанда, «мен сүйікті ата-анамның сүйкімсіз баласы болып шықтым». 20 жыл студияда жұмыс істеген уақытта 40 фильмге түстім. Кейінгі 20 жылда төрт фильмге ғана түстім. Халықаралық фестивальдерге соңғы рет 2003 жылы бардым. Мені тізімдерінен сызып тастаған», - деді актер.

Байжанбаев студияның әр басшысы кинокартиналарға мен фестивальдерге шақыратын сүйікті актерлері болғанын айтты. Сондай-ақ ол әріптестернің тағдырына қатысты пікір білдірді.

«Кейбір адамдарды өлтіріп тындыңдар. Бәрі бірдеңені шешіп жатқан сыңай көрсеткенімен, шешмін таба алмай келеді. Барлығы – бизнесмен. Сендер тек продюсерлер мен режиссерлердің мәселесін шешесіңдер. Актерлер туралы мүлдем ұмыттыңдар, актерлер – киноның бет-бейнесі. Шығармашылық адам емес, бизнесмен болғандықтан осылай істеп жатсыңдар. Мұнда актерлер жоқ, кейбірі өмірден озды... Бәрі жақсы көретін тіпті Фара да. Ол менен өмірінің соңында 200 доллар қарызға алған. Кім оған көмектесті? Бәрі тек өз проблемаларын шешіп жатты. Енді тағы 20 жыл шешіңдер!» - деп түйіндеді ол.

@danaordabekovna #кино #звездаэкрана #актер #нашедостояние ♬ оригинальный звук - Danaordabekovna

Серіктес жаңалықтары