«2 жыл бойы рингті сағындым» – Садриддин Ахмедов

Жеңіліп көрмеген қазақстандық кәсіпқой боксшы Садриддин Ахмедов оңтүстікафрикалық Нкулулеко Млонгоға қарсы өтетін жекпе-жегі жайлы пікір білдірді деп хабарлады turkystan.kz. 24 жастағы боксшы алдағы жекпе-жекті асыға күтіп жүр.

«Менің рингке шықпағаныма екі жыл болды. Әрине, боксты сағындым. Менің болашаққа үлкен жоспарларым бар, біз оларды кезең-кезеңімен жүзеге асырамыз. Алдағы шайқасқа тыңғылықты дайындалдым. Өзімді жақсы формадамын деп ойлаймын. Млонго – тәжірибелі боксшы, ол біздің дивизиондағы ТОП-70-ке кіреді. Сонымен қатар, оның нокаутпен жеңіске жету көрсеткіштері жоғары. Біз оны жақсы зерттедік. Бұл менің Қазақстандағы екінші жекпе-жегім болады. Мен үшін бұл үлкен жауапкершілік. Өзімді жақсы қырымнан көрсетуге тырысамын», - деді С. Ахмедов.

Еске салайық, Садриддин Ахмедов пен Нкулулеко Млонго арасындағы жекпе-жек 24 желтоқсанда Алматыда өтеді. Ал Садриддин 2021 жылдың қаңтарынан бері рингке шыққан жоқ.

Серіктес жаңалықтары