50452
Елнұр Бейсенбаев: мақсат – халықпен тығыз әрі ашық жұмыс істеу
Елнұр Бейсенбаев: мақсат – халықпен тығыз әрі ашық жұмыс істеу
«AMANAT» партиясының Атқарушы хатшысы болып тағайындалған Мәжіліс депутаты Елнұр Бейсенбаев депутаттық мандатын тапсырып, жауапкершілігі жоғары жұмысқа кіріскенін, жиған тәжірибесі мен бар күшін салатынын айтты.
Ол алда үлкен жұмыс күтіп тұрғанын, Мемлекет басшысының жаңару мен жаңғыруға бағытталған реформаларын қолдап, халықпен тығыз әрі ашық жұмыс істеуге бар күшін салатынын жеткізді.
"Құрметті достар! «AMANAT» партиясының Атқарушы хатшысы болып тағайындалуыма байланысты бүгін Қазақстан Республикасы Парламенті Мәжілісінің депутаты мандатын тапсырдым. Парламент Мәжілісі мол тәжірибе жинап, кәсіби тұрғыдан шыңдалуыма ерекше ықпал еткен үлкен мектеп болғаны сөзсіз. Мәжілісте заң жобаларын талқылау мен қабылдау, түйінді мәселелер бойынша депутаттық сауал жолдау, халықпен тікелей жұмыс істеу сияқты міндеттер маған ел өміріне терең бойлауға, қоғамдық-саяси жұмыстың ортасында болуға мүмкіндік берді. Енді «AMANAT» партиясының Атқарушы хатшысы деген жауапкершілігі жоғары міндет жүктеліп отыр. Осы орайда, маған зор сенім білдірген «AMANAT» партиясының Төрағасы Ерлан Жақанұлы Қошанов пен барша партияластарға айрықша ризашылығымды білдіремін", - деді «AMANAT» партиясының жаңадан тағайындалған Атқарушы хатшысы.
Ол алда үлкен жұмыс күтіп тұрғанын, Мемлекет басшысының жаңару мен жаңғыруға бағытталған реформаларын қолдап, халықпен тығыз әрі ашық жұмыс істеуге бар күшін салатынын жеткізді.
"Барлығымызды алда үлкен жұмыс күтіп тұр. Мемлекет басшысының жаңару мен жаңғыруға бағытталған реформаларына қолдау білдіре отырып, халықпен тығыз әрі ашық жұмыс істеу, өзекті қоғамдық мәселелерге арналған партиялық жобаларды жүзеге асыру, алдағы сайлау науқанында ел үдесінен шығатын жұмысты пысықтау сияқты ортақ мақсатымыз бар. Сондықтан да алға қойған міндеттерді жоғары деңгейде орындау үшін барлық тәжірибемді жұмсауға күш саламын. Сондай-ақ, замандас әріптесім, «AMANAT» партиясының Атқарушы хатшысы қызметін жемісті атқарған Асхат Ораловқа да арнайы рахмет айтқым келеді. Асхат Раздықұлы партияның тарихи кезеңінде аса ауқымды жұмыс атқарды. Саяси ұйымның заманауи трансформациясын сәтті іске асырып, нәтижелі өзгерістер жасады. Ендігі кезекте партияда бір жыл ішінде атқарылған қоғамдық әрі саяси реформаларды ары қарай жалғастыру және күшейту жолында бірге қызмет етеміз" , - деді Е. Бейсенбаев.
