Психологиялық тест: төрт есіктің бірін таңдаңыз

Шынайы мінезіңіздің қандай екенін білгіңіз келсе, еш ойланбастан көзіңізге бірден түскен есікті таңдаңыз. 1-есік Табиғатыңыздан өте шыдамды адамсыз. Басқалардың жағдайын жақсы түсінесіз. Сізде бос уақыт деген түсінік жоқ. Айналаңызда болып жатқан оқиғалардың ешқайсысы сіздің қатысуыңызсыз өтпейді. Жалпы, сіз өзіңіз үшін емес, өзгелер үшін жаратылған жансыз. Жүрегіңіз нәзік, мінезіңіз ашық, адамдарды тез баурап аласыз. Бір күніңізді өзіңізге арнаңыз дегіміз келеді. Саяхаттаңыз, тынығыңыз, кітап оқыңыз, жақсы фильм көріңіз. Өміріңіздің басты кейіпкері – өзіңіз екенін ұмытпаңыз! 2-есік Жай адам емессіз, бойыңызда шығармашылық дарын бар. Айналаңыздағы болмашы өзгерістің өзі сізге толағай шабыт сыйлайды. Ерекше дарыныңызға қызғанышпен қарайтын адамдардан аулақ болыңыз, олардың қатарында достарыңыз да болуы мүмкін. Сізді ұмыта салу қиын. Егер қазіргі мамандығыңыз театр, кино, шығармашылық саласына қатысты болмаса, ойланып көріңіз. Дарыныңызды тұншықтырмаңыз! 3-есік Сіздің ішкі түйсігіңіз жақсы дамыған. Соның арқасында өмірлік жолыңызды жаңылмай тауып келесіз. Есепке ширақсыз, ауқымды жобаларды аяғына дейін жеткізгеннен рахаттанасыз. Қарама-қарсы отырған адамның ойын оқитын қабілетіңіз болғандықтан, оңайлықпен алданбайсыз. Мақсатыңыз айқын. Сәтсіздіктердің өзін жеңіл қабылдайсыз. 4-есік Тым құпия адамсыз. Өз жолыңызды нақты айқындаған болсаңыз, ағысқа қарсы жүзуге де дайынсыз. Айналаңызға сыни көзқараспен қарай аласыз. Ішкі сырыңызды көп аша бермейсіз. Жаныңыздағы адамдар сізді тыңдауға мәжбүр. Өйткені, сіз турасын айтатын, бірбеткей адамсыз.

Серіктес жаңалықтары