50274
Риддердегі ЖЭО-ны кім сатып алғаны белгілі болды
Риддердегі ЖЭО-ны кім сатып алғаны белгілі болды
Риддердегі авариялық станцияны жылу энергетикасында үлкен тәжірибесі бар инвесторлар сатып алды. Команданы ЖЭО жұмысымен жақсы таныс тәжірибелі маман Құралбек Әбдірахманов басқарады деп хабарлады turkystan.kz ШҚО әкімдігіне сілтеме жасап.
Компания Қарағанды мен Астанада жұмыс істейді. Бүгінгі таңда мәміле сомасы коммерциялық құпия ретінде қалып отыр. Жаңа инвестор жұмысқа кірісіп кеткен және қазір Риддер ЖЭО-да жүр.
Облыс әкімінің орынбасары Ержан Нұрбаевтың айтуынша, меншік иесі компанияларды электр энергиясын өндіретін турбиналарды жөндеуге шақырған. Көмір беру тракті әлі жөнделіп жатыр, бүгін түнде желімдеу жұмыстары аяқталады, содан кейін қосу-реттеу процесі басталады. Ертең станцияға әдеттегідей көмір беруді жоспарлап отыр.
Сондай-ақ, Ержан Нұрбаев атап өткендей, инвестор Риддерде қорытқы көмір өндіретін зауыт салуды жоспарлап отыр. Бұл өнім бүкіл әлемде және Қазақстанда сұранысқа ие.
«Оны өндіру кезінде қазандық агрегаттарын жағу үшін қолданылатын газ бөлінеді. Сондай-ақ қорытқы көмір өндірісінде суды жоғары температурада 95 градусқа дейін қыздырады, оны жылу желісінде қолдануға болады», - деді ШҚО әкімінің орынбасары Ержан Нұрбаев.Инвестор компания барлық қажетті төлемдерді жүргізіп, керекті жабдықтарды сатып алып, істелген жұмыстардың ақысын төлей бастады. Алдағы жылыту маусымын штаттық режимде өткізу жоспарлануда. Ал жазда Риддер ЖЭО-ға толыққанды жаңғырту жүргізіліп, зауыт құрылысы басталады.
