50364
Алматыда 2040 жылға дейін үш «ЛРТ» желісі салынады
Алматыда 2040 жылға дейін үш «ЛРТ» желісі салынады
Алматыда 2040 жылға дейін жеңіл рельсті жүрдек көліктерге (ЛРТ) арналған үш жолақ салу жоспарланып отыр деп хабарлады turkystan.kz Azattyq Rýhy агенттігіне сілтеме жасап.
Алматы қаласы әкімдігі мен «Алматыбасжоспар» ҒЗИ» ЖШС Алматының 2040 жылға дейінгі Бас жоспарын қоғамдық талқылау шараларын жалғастырып жатыр.
Арнайы шарада қоғамдық көлікті дамыту жоспары көпке таныстырылды.
Сонымен 2040 жылы жүрдек автобустар желісі тағы 12 шақырымға ұзартылады.
Бұдан бөлек, 2040 жылға дейін Алматыда үш «ЛРТ» желісі салынуы тиіс.
Бірінші желіні (Төле би бойымен Талғар тас жолына дейін, ұзындығы - 31 км) 2025-2030 жылдар аралығында салу жоспарланған.
Екіншісі (Жароков, Тоғайғыров көшелерімен, Момышұлы арқылы Батыс хабқа дейін, ұзындығы - 16 шақырым) 2027 жылдан 2032 жылға дейін.
Үшінші желі (Үлкен Алматы каналы бойындағы көшелер арқылы төменге қарай Жұмабаев және Хмельницкийге дейін, содан Талғар тас жолына шығып кетеді - 29 км) 2030 және 2040 жылдар аралығында салынуы тиіс.
