Шымкентте адам өлтірген сегіз қылмыскердің бесеуі бостандықта жүр

Шымкентте 8 адам ер адамды жауыздықпен өз үйінде өлтіріп кеткен. Бұл туралы марқұмның туыстары айтып, барлық кінәлілерді заң аясында жазалауды сұрады деп хабарлады turkystan.kz Otyrar басылымына сілтеме жасап. 

Жәбірленушінің отбасының айтуынша, оқиға 26 қаңтарда болды. Бас сүйек-ми мен көп жарақат алып, тірі қалған марқұмның ағасының айтуынша, бетперде киген қарулы адамдар үйге терезені сындырып кірген. Олардың басты нысанасы 33 жастағы Бахрам Жанжігітов болды.

«Олар үйге осы жерден кірді және бірден ұйықтап жатқан ағамды ұрып-соға бастады, ол соққыдан оянып кетті. Ағамды сүйреп апарып оны қатты ұрды, басын, аяғын, тіпті атып тастады, мұның бәрі шамамен 15 минут ішінде болды. Ұрып, соққан үшеуінің барлығы бетперде, қолғап киіп алған. Қолдарында арматура, тырнақ суырғыш, тапанша, ұзын тапанша болды», – деді марқұмның ағасы Оралхан Тасболат.

Марқұмның әкесі оқиға орнына жеткенде ұлының сау жері қалмаған. Жан тапсырар алдында ол бір адамның атын айтып үлгерген. Туыстарының сөзінше, барлық мәліметтерді полицияға ұсынғанымен, тек үш адам ұсталған. Қалғандары әлі бостандықта жүр.

Серіктес жаңалықтары