Зейнетақы жинағы неге азайып кетеді? – БЖЗҚ басшысы түсіндірді

"Бірыңғай жинақтаушы зейнетақы қоры" АҚ басқарма төрағасы Жанат Құрманов зейнетақы жинағының неліктен азайып кететінін түсіндірді деп хабарлады turkystan.kz.

Зейнетақы қоры басшысының айтуынша, зейнетақы жинақтары ай сайынғы жарналар мен инвестициялық кірістерден тұрады.

Инвестициялық кіріс – зейнетақы жинақтарын инвестициялау нәтижесінде алынған табыс.

Қор басшысы зейнетақы жинағындағы соманың құбылып тұруын нарық пен валютаны қайта бағалаудан түскен кірістің белгілі бір кезеңде оң және теріс болуымен түсіндіреді.