50222
Қазақ телевизиясының 65 жылдық мерейтойына арналған конференция өтті
Қазақ телевизиясының 65 жылдық мерейтойына арналған конференция өтті
Еуразия ұлттық университетінде Қазақ телевизиясының 65 жылдық мерейтойына арналған «Жаһандану кезеңіндегі заманауи телерадио журналистиканың даму тенденциялары» атты халықаралық ғылыми-тәжірибелік конференция өтті. Телевизияның болашақ даму үдерістеріне арналған халықаралық жиында жаңа ойлар мен тың көзқарастар айтылды.
Конференцияны құттықтау сөзбен ашқан Л.Н.Гумилев атындағы Еуразия ұлттық университетінің ректоры, академик Ерлан Сыдықов бүгінгі замандағы телевизия, оның қоғамды дамытудағы орнын, Қазақ телевизиясының бастауында тұрған тұлғалардың еңбегін атап өтті.
Халықаралық конференцияда негізгі баяндаманы белгілі тележурналист, «Дарын» мемлекеттік жастар сыйлығының лауреаты, жасанды интеллект пен ақпараттық технологиялардың адамзаттың руханиятына әсерін зерттеумен айналысатын филология ғылымдарының кандидаты, қауымдастырылған профессор Ұлбосын Есенбекова жасады.
Профессор Есенбекова технологиялық ғасыр мемлекеттің ақпараттық кеңістігін ұлттық мүддеге жұмыс істейтіндей етіп қайта жаңартуға жол ашқанын, осындай биік мақсатқа бастайтын төте жол – ақпарат құралдарының жаңашыл жұмысы екенін айтты. Әлемдегі бірде-бір көшбасшы ақпарат құралы ұзақ мерзімді даму тұжырымы мен стратегиялық жоспарсыз алапат бәсекеге төзе алмас еді. Жеңістің басты құпиясы да осында.
Цифрлық кеңістікке орныққан отандық медиа қатал бәсекелік ортада қызмет етуге көшкенін, Қазақ телевизиясы да мемлекет пен қоғаммен бірге дамып келетінін ғалым жүйелеп көрсетті. Есенбекованың пікірінше, технологиялық сипаттағы қиындықтарды шешу оңай болғанымен Қазақ телевизиясының мазмұнына қатысты проблеманы шешу күрделі болып тұр. Ғалым қоғамда жиі айтылатын бір проблемаға да тоқталды. «Ұлттық музыка мен дәстүрлі өнерге, рухани құндылықтарға, әдебиетке арналған хабарларды халық көрмейді. Халыққа жеңіл әуен, ойын-сауық, той-думан керек» деген пікірлер естіліп қалады.
Профессор бұндай пікірді телевизияның қызметін түсінбейтін, телевизиядан алыс кәсіп иелері айтуы мүмкін деген тұжырым жасады. BBC телеарнасының мәдениет пен танымдық мазмұндағы «Адамның өрлеуі» хабарларын жүргізген математик профессор Джейкоб Броновски, «Өркениет» сериалын жүргізген британдық жазушы, Британ мұражайының тәлімгері Кеннет Кларк жұмыстары бүкіл әлемге таралды. Баяндама жасаушы ғалым бұлар танымалдығы жағынан ғылыми-ағартушылық жобалардың ішіндегі үздігі деп танылғанын, теле-өнімнің сапасы оның идеясы мен көтерген проблемасының ауқымына, журналистің шеберлігіне ғана тәуелді екенін айтты.
Цифрлық дәуірдің күрделі проблемаларын зерттеуші Ұлбосын Есенбекова әлеуметтік желілердің аудиториясы телеарнаға қарағанда бірнеше есе көп болғанымен, интернет бүкіл отбасын экран алдына жинай алмайтынын, ал телеарна отбасын біріктіретін, тәрбиелейтін феномен екенін дәлелдеді.
Конференция секциялық тақырыптар бойынша жұмысын жалғастырды. ЕҰУ-дің Журналистика және саясаттану факультетінің деканы, профессор Қайрат Сақ конференцияны қорытындылай келе, Қазақ телевизиясының 65 жылдық мерейтойына арналған ғылыми шараның жақсы деңгейде өткенін атап өтіп, конференцияға онлайн қатысқан әріптестер ғалымдарға алғысын айтты.
Конференцияны ұйымдастырушы Телерадио және қоғаммен байланыс кафедрасының меңгерушісі, белгілі айтыскер ақын Серікзат Дүйсенғазы, факультет деканының орынбасары Дана Байғожина, кафедраның аға оқытушылары Римма Шакуова мен Айжан Пернебекова, Эльмира Ибраева, Айбарша Жақсылық пен Күлнаш Қошанова, Ардақ Мүтәрбек және басқа оқытушылар секция отырыстарының мазмұнды өтуіне үлестерін қосты.
Цифрлық кеңістікке орныққан отандық медиа қатал бәсекелік ортада қызмет етуге көшкенін, Қазақ телевизиясы да мемлекет пен қоғаммен бірге дамып келетінін ғалым жүйелеп көрсетті. Есенбекованың пікірінше, технологиялық сипаттағы қиындықтарды шешу оңай болғанымен Қазақ телевизиясының мазмұнына қатысты проблеманы шешу күрделі болып тұр. Ғалым қоғамда жиі айтылатын бір проблемаға да тоқталды. «Ұлттық музыка мен дәстүрлі өнерге, рухани құндылықтарға, әдебиетке арналған хабарларды халық көрмейді. Халыққа жеңіл әуен, ойын-сауық, той-думан керек» деген пікірлер естіліп қалады.
Профессор бұндай пікірді телевизияның қызметін түсінбейтін, телевизиядан алыс кәсіп иелері айтуы мүмкін деген тұжырым жасады. BBC телеарнасының мәдениет пен танымдық мазмұндағы «Адамның өрлеуі» хабарларын жүргізген математик профессор Джейкоб Броновски, «Өркениет» сериалын жүргізген британдық жазушы, Британ мұражайының тәлімгері Кеннет Кларк жұмыстары бүкіл әлемге таралды. Баяндама жасаушы ғалым бұлар танымалдығы жағынан ғылыми-ағартушылық жобалардың ішіндегі үздігі деп танылғанын, теле-өнімнің сапасы оның идеясы мен көтерген проблемасының ауқымына, журналистің шеберлігіне ғана тәуелді екенін айтты.
Цифрлық дәуірдің күрделі проблемаларын зерттеуші Ұлбосын Есенбекова әлеуметтік желілердің аудиториясы телеарнаға қарағанда бірнеше есе көп болғанымен, интернет бүкіл отбасын экран алдына жинай алмайтынын, ал телеарна отбасын біріктіретін, тәрбиелейтін феномен екенін дәлелдеді.
Конференция секциялық тақырыптар бойынша жұмысын жалғастырды. ЕҰУ-дің Журналистика және саясаттану факультетінің деканы, профессор Қайрат Сақ конференцияны қорытындылай келе, Қазақ телевизиясының 65 жылдық мерейтойына арналған ғылыми шараның жақсы деңгейде өткенін атап өтіп, конференцияға онлайн қатысқан әріптестер ғалымдарға алғысын айтты.
Конференцияны ұйымдастырушы Телерадио және қоғаммен байланыс кафедрасының меңгерушісі, белгілі айтыскер ақын Серікзат Дүйсенғазы, факультет деканының орынбасары Дана Байғожина, кафедраның аға оқытушылары Римма Шакуова мен Айжан Пернебекова, Эльмира Ибраева, Айбарша Жақсылық пен Күлнаш Қошанова, Ардақ Мүтәрбек және басқа оқытушылар секция отырыстарының мазмұнды өтуіне үлестерін қосты.
