СҚО-да екі студент есірткі таратқаны үшін 10 жылға сотталды

Солтүстік Қазақстан облысында екі студент синтетикалық есірткі таратқаны үшін 10 жылға бас бостандығынан айырылды деп хабарлады turkystan.kz.

19 жастағы СҚО тұрғындары Ақмола облысының маңында мефедрон таратқан. Сот үкім шығарған кезде жас екендерін ескерді. Сондай-ақ жеңілдететін мән-жайлар ретінде сот тұрғылықты жері мен оқудағы үлгерімдерін және студенттердің бірінші рет қылмыстық жауапкершілікке тартылатындығын ескерді. Кінәні ауырлататын жағдайлар анықталмады.

Екі студент те 10 жылға бас бостандығынан айырылды. Сот синтетикалық есірткіні таратқаны үшін кінәлі деп тапты.

Іс материалдарында айтылғандай, жастар интернеттен сатушылармен байланысып, қосымша ақша табуға шешім қабылдады. Сыртын орап, синтетикалық есірткіні жеткізген.

«Олар орманнан мефедронды алып, орманнан шыққан кезде полиция қызметкерлеріне ұсталды. Тінту кезінде олардан 21 дана оралған психотропты зат табылды», – деп мәлімдеді Ақмола облыстық сотының баспасөз қызметі.

Студенттердің кінәсі куәгерлердің айғақтарымен және сараптамалармен, сондай-ақ телефондардағы хат-хабарлармен дәлелденген.