Наталья Дементьева: Халықты мазалайтын әлеуметтік мәселелер – бір

 Мен Ақмола облысының аудандарына іс­сапарға шықтым. Іссапар аясында Ереймен­тау, Целиноград, Шортанды, Ақкөл, Бурабай, Зеренді аудандарын аралап шықтым. «AMANAT» партиясының Жол картасына сәй­­кес салынатын объектілерді тексердім, со­­ған байланысты туындаған проблемаларды анық­­тадым. Жергілікті тұрғындармен кезде­сіп, халықтың сұрақтарына жауап бердім, мә­се­лелерін тыңдадым, жеке қабылдау өткіз­дім. Аудандағы мәселелерге қысқаша тоқ­тал­сам, барлық ауданға ортақ проблема – су, жайы­лым, жол мәселесі, жалақы, еңбекпен қам­ту. Алайда айта кету керек, партияның Жол картасына сәйкес барлық жоспарланған объектілер: мектептер, мәдениет үйлері, әлеу­мет­тік тұрғын үй, жол құрылысы өз уақы­тын­да жүзеге асырылып жатыр. Зеренді ауданындағы «Көкше» Визит ор­талығының орманшы-қызметкерлерімен кез­дестім. Ерекше таңғалатыным – осында өз іс­і­не берілген отбасылық династиялар қыз­мет етеді. Алайда проблема өте көп: қара­пайым орманшылардың жалақысы 100 мың теңгеге жетпейді, арнайы киім мен аяқкиімді өз қаражатына сатып алады. Ескі техника, ра­ция, автокөлік жеткіліксіз. Семейде болған қай­ғылы апат бәрімізге сабақ болуға тиіс. Жа­қын арада осы мәселе толығымен шешілуі ке­рек. Жергілікті басқару органдарына бұл мә­селені жеткіздік. Жергілікті ауыл тұрғындарымен кез­дес­кен кезде әртүрлі өзекті проблема көтерілген бо­латын. Жиі көтерілген, ең өзекті мәселе – тұрғын үй мәселесі, адамдардың «Отбасы банк» арқылы несие ала алмағаны, жұмыс­сыз­дық мәселесі. Жергілікті басқару орган­да­рымен барлық мәселелер талқыланып, проб­ле­малардың шешілуі қатаң бақылауға алын­ды.