666
Терроризмді насихаттаған ұлытаулық тұрғын сотталды
Ұлттық қауіпсіздік комитеті Ұлытауда терроризмді насихаттаған тұрғынға қатысты қылмыстық істі тергеуді аяқтады.
Ұлытау облысы Сәтбаев аудандық соты тұрғынды қылмыс жасағаны үшін кінәлі деп танып, 6 жылға бас бостандығынан айырды.
Сотталушы 2016 жылы отбасымен бірге Сирияға барып, онда «ДАИШ» (Қазақстанда тыйым салынған) құрамында болғанын тергеу анықтады.
Нәтижесінде содырдың шетелде жүрген жері анықталды. Содан соң шетелдік серіктестердің көмегімен оны ұстады. Биыл маусым айында ҰҚК жасағымен Қазақстанға жеткізілді.
2023 жылғы 22 қыркүйекте үкім заңды күшіне енді.
