Азиада чемпионы мен жүлдегеріне қанша сыйақы беріледі?
Азия ойындарында алғаш рет Олимпиада лицензиялары да беріледі.
Туризм және спорт министрлігі XIX жазғы Азия ойындарында жүлде алған спортшылар мен олардың жаттықтырушыларына берілетін ақшалай сыйақы туралы айтты, деп хабарлады turkystan.kz.
"Азия ойындарының чемпионы атанған спортшыға 10 мың АҚШ доллары көлемінде ақшалай сыйақы беріледі. Ал жаттықтырушыға берілетін марапат - 5 мың АҚШ доллары.
Азиаданың күміс жүлдегері 5 мың АҚШ доллары, жаттықтырушысы 3 мың АҚШ доллары көлемінде сыйақы алады. Сонымен қатар қола медаль иегері 3 мың АҚШ доллары, оның жаттықтырушысына 2 мың АҚШ доллары көлемінде ақшалай ынталандыру белгіленген", – делінген хабарламада.
Биылғы Азиададан кейін Қазақстан Бокс федерациясы президентінің жеке қаражатынан да сыйақылар беріледі. Алтын медаль үшін чемпиондар 50 мың АҚШ долларын, күміс жүлдегерлер 30 мың АҚШ долларын, қола медаль үшін 10 мың АҚШ долларын алады.
