Елімізде inDrive пен Яндекс жүргізушілеріне қатысты заң күшейеді
Енді inDrive мен Yandex таксидің заңды жүргізушілері тәулігіне 8 сағат қана жұмыс істей алады деп бажайланады.
Көлік министрлігінде 2023 жылғы 28 қыркүйекте Қазақстандағы inDrive пен Яндекс бойынша жеке тасымалдаушылар үшін қандай шектеулер енгізілуі мүмкін екендігі айтылды, деп хабарлады turkystan.kz.
Брифинг барысында Көлік министрлігіне қарасты комитет басшысы Әли Алтай inDrive және Яндекс жүргізушілері көбірек тапсырыс аламын деп дұрыс демалмай, салдарынан жолда абай бола бермейтінін айтты.
«Олар (такси жүргізушілері) бір күнде тоғыз сағаттан артық жұмыс істемеуі керек. Мұны елемегендер ақырында жолдағы қырағылықты жоғалтады. Бізде жол апатының 35%-ы осындай жағдаймен байланысты», - деп атап өтті Әли Алтай.
Zakon.kz-тің жазуынша, Қазақстанда inDrive және Яндекс жеке тасымалдаушылардың жауапкершілігін қарастыратын заңға енгізілуі тиіс түзетулер дайындалып жатыр. Сонымен қатар Көлік министрлігі заңсыз такси жүргізушілеріне қарсы күрестің Жол картасы әзірленіп жатқанын да айтты. Енді inDrive пен Yandex таксидің заңды жүргізушілері тәулігіне 8 сағат қана жұмыс істей алады деп бажайланады.
«Тасымалдаушылар сегіз сағаттан артық жұмыс істей алмайды. Ол тек сегіз сағат бойында белсенді бола алады. Басқа уақытта ол тапсырыстарды қабылдай алмайды. ІІМ-мен белсенді түрде такси жүргізушісі қанша тапсырыс қабылдай алатындығына қатысты талдау жүргізетін боламыз», - деп атап өтті спикер.
