Баланың есірткі тасымалдап, ақша тауып жүргенін қалай білуге болады?
ІІМ негізгі белгілерді атады.
ІІМ баланың «есірткі жасырушы» болып жұмыс істеп жүргенін көрсететін негізгі белгілерді атады, деп хабарлады turkystan.kz.
– баланың телефонында үй кіреберістерінің, аялдамалардың, қабырғалардың заттардың суреттері пайда болса;
– жеке заттары арасында изолента, zip-пакеттер, қалта электронды таразылары пайда болса;
– араласатын ортасы өзгерсе;
– сөйлеу мәнері өзгеріп, әңгіме тақырыбын бұруға тырысса, дөрекілік танытса;
– күн тәртібі өзгерсе: оқуға бірнеше сағат бұрын кетіп, оқудан бірнеше сағатқа кешіксе, кіммен және қайда болғанын айтпаса;
– жаңа заттар пайда болса және оның қайдан келгенін түсіндіруден бас тартса.
Бұл белгілердің пайда болуы баланы бақылауға, кез келген заңсыз іс-әрекеттің салдарын түсіндіре отырып, онымен сөйлесуге себеп болуы керек.
