Ақтөбеде жоғалып кеткен жасөспірім Павлодардан табылды
Ол интернетте танысқан қызымен кездесуге барған.
Ақтөбеде жоғалған жасөспірім Павлодардан табылды. Ол интернет арқылы сөйлескен қызымен кездесуге барып, алайда ата-анасына ескертпеген.
10 қазанда Павлодар жедел уәкілдері Ақтөбе қаласының 17 жастағы тұрғынын анықтап, іздестірді, ол 5 қазанда үйден кетіп қалған, оның орналасқан жері белгісіз болды. Жасөспірім әлеуметтік желілерде қызбен танысып, оған Павлодарға келіп, заңды өкілдеріне ескертуді ұмытып кеткені белгілі болды. Кейінірек ол өзінің қашуының себебін тек сүйіктісімен кездесіп, серуендегісі келетіндігімен түсіндірді.
«Қазір кәмелетке толмаған бала Павлодар қаласының өмірлік қиын жағдайдағы балаларды қолдау өңірлік орталығына орналастырылды, онда ата-анасы келгенге дейін болады», - дейді Павлодар облысы Полиция департаментінің баспасөз қызметі.
Айта кетейік, осы жылдың басынан бері Павлодар облысының полиция қызметкерлері жоғалған 57 азаматты хабарсыз кеткен деп жариялады. Қабылданған шаралармен 47-сі іздестіріліп, туыстарына қайтарылды.
