1899
Желіде құдалыққа тікұшақпен келіп, доллар шашқандардың видеосы қызу талқыға түсті
Ерекше құдалық Алматы облысына қарасты Тұздыбастау ауылында өткен болуы мүмкін, бірақ нақты емес.
«Тік-ток» әлеуметтік желісінде тараған видеода құдалыққа құдалардың Тұздыбастау ауылына тікұшақпен ұшып келгені көрсетілген.
Сондай-ақ, кадрдан адамдардың жерден доллар жинап жүргенін байқауға болады.
Видеоны көрген желі қолданушылары бейнежазба астына түрлі пікір қалдырды.
«Ысырап», «дарақылық», «мақтаншақтық» десе, енді бірі «жастар бақытты, қазағым бай-қуатты болсын, - деп жазды.
Алайда бұл видеоның Алматы облысына қарасты Тұздыбастау ауылында түсірілгені нақты емес.
Ал облыстық полиция депаратаменті қазір жеке әуе компаниялардың көп екенін, видеода ешқандай заңбұзушылық жоқ екенін айтты.
