«40 миллион теңге, алтын»: Алматы облысында ауылды тонаған жігіттер ұсталды
Істі тергеу барысы облыстық полиция бастығының жеке бақылауына алынды.
Алматы облысының полицейлері қарақшылық шабуылдың барлық қатысушысын ұстады, деп хабарлады turkystan.kz.
8 қазанда Жамбыл ауданы ПБ-ға үш адамнан тұратын белгісіз қарулы адамдардың Қасымбек ауылындағы үйлердің бірінен 40 миллион теңге қаражат, алтын әшекей және өзге де бағалы заттары бар сейфті ұрлап, қарақшылық шабуыл жасағаны туралы ақпарат келіп түсті.
Алматы облысы ПД бастығының нұсқауы бойынша арнайы тергеу жедел тобы құрылып, олар қысқа мерзім ішінде үш күдіктіні ұстады.
«Дерек ҚР ҚК-нің 192-бабы 3-бөлігінің 4-тармағы «Қарақшылық» бойынша тіркелді. Қазір қылмысты тергеуде оның толықтығын, жан-жақтылығын және объективтілігін қамтамасыз ету мақсатындағы барлық қажетті тергеу іс-шаралары жүргізіліп жатыр», - деді Алматы облыстық ПД бастығы Бауыржан Әленов.
ІІМ-нің мәліметінше, істі тергеу барысы облыстық полиция бастығының жеке бақылауына алынды.
