Қарағанды облысында жоғалып кеткен ер адам өлі табылды
Ер адам 24 қазан күні үйінен шығып кеткен.
Қарағанды облысында іс-түссіз жоғалып кеткендер санатында болған азаматтың өліміне қатысты күдікті анықталды, деп хабарлады turkystan.kz.
Қарағанды облысы, Осакаров аудандық полиция бөліміне 49 жастағы азамат арызданып, өзімен бірге тұратын 47 жастағы азаматтың іс-түссіз жоғалып кеткендігін хабарлаған.
Polisia.kz сайтының мәліметінше, ер адам 24 қазан күні үйінен шығып, осы уақытқа дейін оның қайда екені белгісіз болған.
«6 қараша күні полиция қызметкерлерімен жүргізілген кешенді жедел-іздестіру іс-шаралары барысында аудан тұрғыны анықталып, оның үйіне жапсарлас құрылысты тексеру барысында жоғалып кеткен азаматтың дене жарақаттары бар мәйіті табылды. Оқиға орнынан тергеу кезінде қажетті дәлелдемелер алынды. Аталған дерек бойынша Қазақстан Республикасы Қылмыстық Кодексінің 99-бабына (Адам өлтіру) сәйкес қылмыстық іс қозғалды. Тиісті сараптамалар тағайындалып, күдікті уақытша ұстау изоляторына қамалды, – деді Қарағанды облыстық полиция департаментінің бастығы Санжар Әділов.
