Әйгілі Пакьяоны ұрып құлатқан қазақ боксшының ұлы Илон Масктың компаниясында жұмыс істейді
Экс-боксшы АҚШ-қа барған сапарында ұлының жұмыс орнында болған.
Кезінде кәсіпқой бокста Пакьяоны шаршы алаңда нокдаунға түсірген қазақстандық Серікжан Ешмағанбетов ұлын мақтан тұтады. Боксшының баласы бүгінде Илон Масктың TESLA компаниясында қызмет етіп жүр, деп хабарлады turkystan.kz.
Әлеуметтік желіде отбасылық демалысынан бірнеше сурет жариялаған спортшы ұлы туралы жазба жариялады. Бүгінде оның үміт артқан баласы алыстағы Америкада тұрып жатыр, деп жазды 1bol.kz.
«Ұлым менің! Сені әркез мақтан тұтамын. TESLA компаниясында қызмет ететін алғашқы қазақ!», - деп жазды Серікжан Ешмағанбетов.
Экс-боксшы АҚШ-қа барған сапарында ұлының жұмыс орнында болған. Баласы ата-анасын TESLA-ның тыныс-тіршілігімен таныстырған.
С.Ешмағанбетов бүгінде бапкерлікпен айналысады. Ол екі мыныңшы жылдардың басында Филиппин астанасы Манилада өткен бокс кешінде Мэнни Пакьяомен жұдырықтасып, оны үшінші раундта сұлатып салуымен есте қалды. Алайда сол жекпе-жекте орнынан тұрып, есін жиып үлгерген Пакьяо кездесу соңында қазақстандық қарсыласынан басым түскен болатын.
