Бизнесті тексеру екі есе азаяды – Ұлттық экономика министрі
Сондай-ақ айыппұлдар саны бірнеше есе азаятынын атап өтті.
Ұлттық экономика министрі Әлібек Қуантыров 2024 жылдан бастап елімізде бизнесті жоспарлы тексеру 2 есе азаятынын айтты.
Таза парақтан реттеу» қағидаты сәтті енгізіліп жатыр. 10 мыңнан аса өзекті емес талаптар анықталды, оның 9 мыңы заңға тәуелді деңгейде алып тасталды, ал қалғандары Парламенттегi заң жобасы аясында жыл соңына дейін алып тастауға жатады, - деді Әлібек Қуантыров Сенаттағы Үкімет сағатында.
Ол бизнесті жоспарлы тексеру 2 есе және айыппұлдар саны бірнеше есе азаятынын атап өтті.
Сондай-ақ тәуекелдерді басқару жүйесі (ТБЖ) автоматтандырылады, ол 2024 жылғы 1 қаңтардан бастап адамның қатысуынсыз тексерулерді тағайындауға мүмкіндік береді. Нәтижесінде бизнесті жоспарлы тексеру 2 есе және айыппұлдар саны бірнеше есе азаяды, - деді Қуантыров.
