899
«Жігіттерге сәттілік»: Жарақат алған Бахтиёр Зайнутдинов жанкүйерлерге алғысын жеткізді
Бұл туралы футболшы Instagram парақшасында жазды.
Футболдан Қазақстан құрамасының және «Бешикташ» клубының жартылай қорғаушысы Бахтиёр Зайнутдинов қолдау білдірген жанкүйерлерге алғыс білдірді, деп хабарлады turkystan.kz.
«Жылы сөз айтып, қолдау білдіргендеріңіз үшін бәріңізге көп рақмет. Құрама үшін маңызды матчта жігіттерге сәттілік тілеймін. Алға», - деп жазды футболшы Instagram парақшасында.
Айта кетейік, Түркия чемпионатында «Ыстанбұл Башакшехирге» қарсы ойында (1:0) ауыр жарақат алған Бахтиёрдың мұрын сүйегі мен аңғалағының негізі сынғаны белгілі болды. Оған Ыстанбұлдағы ауруханалардың бірінде ота жасалды.
Футболдан Қазақстан құрамасының бас бапкері Магомед Әдиев Бахтиёр Зайнутдинов Еуро-2024 іріктеу турнирі аясында өтетін алдағы екі ойынға қатыса алмайтынын мәлімдеді.
