«Алып күш»: Головкиннің 20 жыл бұрын қарсыласын нокаутқа түсірген сәттегі видеосы жарияланды (ВИДЕО)
Боксшылар 2003 жылы Бангкок қаласында (Таиланд) өткен әлем чемпионатының ширек финалында кездескен.
X (бұрынғы Twitter) әлеуметтік желісіндегі танымал аккаунт Boxing Kingdom кәсіпқой бокстан әлем чемпионы, қазақстандық Геннадий Головкин мен румыниялық Лучиан Бутенің жиырма жыл бұрынғы жекпе-жегінің видеосын жариялады, деп хабарлады turkystan.kz Sports.kz-ке сілтеме жасап.
Боксшылар 2003 жылы Бангкок қаласында (Таиланд) өткен әлем чемпионатының ширек финалында кездескен. Бұл жекпе-жекте Головкин қарсыласын нокаутқа түсірген болатын.
«Жас GGG Лучиан Бутені ұйқыға жіберді. GGG мұны қалың қолғаппен және шлеммен жасады. Менің сүйікті бейнежазбамның бірі. Алып, табиғи күш», - деп жазды ресурс.
Еске салайық, Геннадий Головкин кәсіпқой бокста орта салмақтағы әлемнің барлық дерлік негізгі титулдарына (WBC, WBA және IBF), сондай-ақ IBO белбеуіне ие болған. Ал Лучиан Буте екінші орта категорияда IBF чемпионы болды.
