Абай университетінде Қазақстанда дуальді білім беруді дамытуға арналған халықаралық конференция өтіп жатыр
Іс-шара 7 желтоқсанға дейін жалғасады.
Кеше Абай университетінде Эразмус+ бағдарламасының №618835-EPP-1-2020-1-KZ-EPPKA2-CBHE-SP - «KazDual - Қазақстанда дуальді жүйені енгізу» халықаралық жобасы аясында «Қазақстан Республикасында дуальді жоғары және кәсіптік білім беруді дамыту жолдары: KAZDUAL жобасының тәжірибесі» тақырыбында халықаралық конференция басталды.
Іс-шараның мақсаты - Қазақстанда дуальді білім беруді енгізудің үздік әлемдік тәжірибелерді талқылауға арналған тәжірибе алмасу үшін диалог алаңын құру, еңбек нарығының өзекті сұранысына сәйкес студенттердің кәсіби құзыреттілігін арттыруға білім беру ұйымдарының, бизнес құрылымдардың және мемлекеттік органдардың күш-жігерін біріктіру негізінде жоғары және кәсіптік білім беру жүйесін трансформациялау.
Конференцияға ҚР Ғылым және жоғары білім министрлігі, ҚР Оқу-ағарту министрлігі, ҚР Білім беру сапасын қамтамасыз ету жөніндегі тәуелсіз агенттігі, ҚР Эразмус+ Ұлттық кеңсесі, Аккредиттеу, сертификаттау және сапаны қамтамасыз ету институты (ACQUIN), CEENQA - Орталық және Шығыс Еуропадағы жоғары білім беру саласындағы сапаны қамтамасыз ету бойынша агенттіктің өкілдері, сондай-ақ Қазақстанның, Германияның, Австрияның және Эстонияның жетекші университеттері мен колледждері қатысып жатыр.
_1701837060.jpeg)
Конференцияның ашылуында университеттің стратегия және интернационалдандыру жөніндегі проректоры Ақтолқын Құлсариева KAZDUAL жобасы аясында қол жеткізілген оң нәтижелер туралы айтты. Ол Абай университетінде дуалды білім беру бойынша теориялық білімнің елеулі қоры, сондай-ақ оны білім беру үрдісіне интеграциялаудың тиімді технологиялары белсенді түрде қалыптасып жатқанын атап өтті.
Пленарлық отырыстарда, панельдік сессияларда және семинарларда оқу орындарында дуальді жүйені іс жүзінде енгізу мен пилоттық аккредиттеудің өзекті мәселелері талқыланатын болады. Білім беру саласындағы халықаралық сарапшы мамандар, сертификатталған жаттықтырушылар және KazDual жобасының ұлттық командасының мүшелері өз тәжірибелері мен сараптамаларын ұсынады.
