Полицейлер көлікте талмасы ұстап қалған азаматты құтқарды
7 желтоқсанда сағат 14.20 шамасында Көкшетау қаласы полиция басқармасының кезекші бөліміне Мечта сауда үйінің аумағында автокөліктің ішінде жүргізушісі қатты «газға» басып отырғаны туралы ақпарат келіп түсті.
Ақмола полицейлері көлікте талмасы ұстап қалған азаматты құтқарды, деп хабарлады turkystan.kz.
Полиция қызметкері Александр Ефимовтың айтуынша, бұл стандартты емес жағдайға назар аударған және көмекке шақырғанда бейжай қарамайтын азаматтар үлкен рөл атқарды.
7 желтоқсанда сағат 14.20 шамасында Көкшетау қаласы полиция басқармасының кезекші бөліміне Мечта сауда үйінің аумағында автокөліктің ішінде жүргізушісі қатты «газға» басып отырғаны туралы ақпарат келіп түсті.
Көкшетау қалалық ПБ патрульдік полиция батальоны қызметінің инспекторлары Александр Ефимов пен Темірлан Қалыш құрамындағы «Әскер-5» автопатрулі дереу көмекке шықты. Түскен ақпарат 5 минут өткеннен кейін полиция қызметкерлері оқиға орнында болды. Инспекторлар салонында ес-түссіз күйдегі жүргізуші мен автокөлігін тауып, жедел жәрдем көлігін бірден шақырды.
Автокөліктің есігі жабық болған. Полиция қызметкерлері қолында бар затты пайдаланып дәрігерлер алғашқы медициналық көмек көрсете алуы үшін көліктің артқы есігінің әйнегін сындырды.
Жедел жәрдем дәрігерлері 34 жастағы ер адамға қажетті көмек көрсеткеннен кейін, полиция оның туыстарын анықтап, оқиға туралы хабарлады. Мамандардың айтуынша, , жүргізуші эпилепсия талмасына ұшыраған.
«Барлығы білетіндей, оқиға орнына алғашқылардың бірі болып полиция қызметкерлері келіп, алғашқы көмек көрсетеді. Сондықтан біз әрқашан бәріне дайынбыз және адамның өмірін сақтау үшін бәрін жасауымыз керек, – деп қорытындылады батырлар.
Ер адамның және оның айналасындағы азаматтардың өмірі мен денсаулығына қауіп төнбейтініне көз жеткізгеннен кейін полиция қызметкерлері қызмет көрсететін мекемеде қызмет етуді жалғастырды.
Айта кету керек, полиция департаментінде азаматтық және кәсіби міндеттерін орындай отырып, лайықты қызмет атқаратын қызметкерлер аз емес.
