1069
Өскеменде көлік Ертіс өзеніне батып кетті
Көлік иесі көлікті қойған кезде қауіпсіздік шараларын орындамаған.
Өскемен қаласының Самал саябағы ауданында куәгерлер Ертіс өзенінде тұрған көлікті көріп қалып, құтқарушыларға хабарласқан, деп жазды turkystan.kz.
Оқиға орнынан келіп жеткен ШҚО ТЖД Жедел-құтқару жасағы қызметкерлері жаңғадан 100 метрде тұрған «Subaru Impreza» маркалы көлікті көрген.
«Сүңгуір жабдығының көмегімен құтқарушылар көліктің ішін қарап шықты, онда зардап шеккен және қаза болған ешкім болмады. Белгілі болғандай көлік иесі көлікті қойған кезде қауіпсіздік шараларын орындамаған. Сол себепті көлік Ертіске қарай сырғанап кеткен», – делінген хабарламада.
