1213
Маңғыстау облысында адамдарды алдап 112 миллион теңге алған қылмыстық топ ұсталды
Оның атына республиканың әр өңірінен 20 адам арыз жазған
Маңғыстау облысында мұнай компаниясына жұмысқа орналастырамын деген сылтаумен тұрғындардан ақша алған адамды ұстады, деп хабарлады turkystan.kz inbusiness.kz сайтына сілтеме жасап.
Ол автокөліктер мен жылжымайтын мүлікті алып-сату, мұнай компанияларының біріне жұмысқа орналастыру сылтауымен 112 млн теңгеден астам қаражатты иемденген.
Ұсталғандардың тұрғылықты жері мен жұмыс орны бойынша тінту жүргізілді.
Заттай дәлелдемелер тәркіленді. Қазіргі уақытта топтың үш мүшесі қамауда. Қажетті тергеу шаралары жүргізіліп жатыр. Олар ұйымдасқан қылмыстық топты құрып, оны басқарды және оған қатысты деп айыпталуда.
Тергеу мүддесі үшін өзге мәліметтер жария етілмейді, – деді ҚР ІІМ ұйымдасқан қылмысқа қарсы күрес департаментінің өкілі Қуандық Алпыс.
