Алматыда дәмхана жанына заңсыз салынған нысан сүріліп жатыр
Бүгін сот шешімін орындау мақсатында бұзу жұмыстары басталды.
Алматы қаласында кезекті заңсыз салынған жапсарлас құрылыс нысанын бұзу жұмыстары басталды, деп хабарлады turkystan.kz.
Алматы қаласының қала құрылысын бақылау басқармасы Достық даңғылы, 40/1 бойында орналасқан Degirmen кафесіне жапсаржайды бұзудың басталғаны туралы хабарлады. Ол сот шешімімен заңсыз деп танылды.
Тамақтану желісінің нүктесі рұқсат құжаттарынсыз салынған қосымшада орналасқан.
«Өткен жылдың 19 маусымында басқарма бұзушылық фактілері бойынша ҚР ӘҚБтК 319, 322-баптарының 1-бөлігі бойынша «Ала кафе» ЖШС қатысты шаралар қабылдады. 20 шілдеде әкімшілік құқық бұзушылық жөніндегі мамандандырылған ауданаралық сот қосымшаны заңсыз деп тапты, алайда жауапкер апелляциялық шағым түсірді», – делінген хабарламада.
Алматы қалалық сотының 14 желтоқсанда қаулысымен бірінші сатыдағы шешім өзгеріссіз қалды. Бүгін сот шешімін орындау мақсатында бұзу жұмыстары басталды.
