779
Велотректен Азия чемпионаты: Рамис Дінмұхаметов жүлдегер атанды
Бұл туралы Спортты дамыту дирекциясының баспасөз қызметі мәлімдеді.
Үндістан астанасы Делиде өтіп жатқан велотректен ересектер арасындағы 43-ші Азия чемпионатында Қазақстан қоржынына 2-медаль түсті.
Топтан тыс қалу жарысында Рамис Дінмұхаметов қола жүлдеге ие болды.
Осы бағдарламада әйелдер арасында Ұлттық құрама көшбасшысы Рината Сұлтанова жүлдеге бір табан жетпей, жарысты 4-орынмен аяқтады.
Ал спринтте Дмитрий Резанов мәреге 10-шы, Андрей Чугай 13-болып жетті.
Айта кетейік, Рамис былтыр Малайзияда өткен сары құрлық додасында жекелей сында күміс, командалық жарыста қола медаль жеңіп алған болатын. Сосын, Ханчжоуда өткен жазғы Азия ойындарында «мэдисон» бағдарламасында Артем Захаровпен жұптасып, қола жүлдегер атанған еді.
