Елордада мешіттен аяқ киім ұрлаған ер адам ұсталды
Ер адам кінәсін мойындады
Астана қаласының тәртіп сақшылары елорда мешіттерінің бірінен келушілердің аяқ киімін ұрлап кеткен ер адамды анықтады, деп хабарлады turkystan.kz.
Қала тұрғыны полицияға аяқ киімінің ұрланғаны туралы арызданған. Ер адамның айтуынша, қаладағы мешіттердің бірінде белгісіз біреу оның құны 30 мың теңге тұратын кроссовкасын ұрлап кеткен.
«Жедел-іздестіру іс-шаралары барысында Астана қалалық ПД криминалдық полиция басқармасының қызметкерлері ұрлық жасаған кезде бейнебақылау камераларына түсіп қалған 28 жастағы ер адамды анықтаған. Кадрларда оның сөренің жанындағы аяқ киімге қарап тұрғанын көруге болады. Өзіне ұнаған аяқ киімді таңдап алып, оны киіп мешіттен шығып кеткен», - делінген polisia.kz сайтының хабарламасында.
Ер адам кінәсін мойындады, оның астанада бұрын жасалған осындай қылмыстарға қатысы бар-жоғына қатысты тергеу жүріп жатыр.
