Алматыда дәрігерлер қан тамыры 100% тарылған науқастың өмірін сақтап қалды
Кардиологтың айтуынша, бұл жағдай ерекше және өте сирек кездеседі.
Алматыда дәрігерлер қан тамырлары 100% тарылған науқастың өмірін сақтап қалды. Бұл туралы Алматы қалалық денсаулық сақтау басқармасы хабарлады.
Науқас Алматы қалалық кардиологиялық орталығына өте ауыр жағдайда жедел миокард инфарктісімен түскен. Коронарографиядан кейін жүректің негізгі тамыры 99,9 пайызға зақымданғаны анықталған.
"Процедура кезінде науқастың жағдайы нашарлады. Дәрігерлер тобы қайта операция жасау өте қауіпті деп шешті, бірақ дереу шара қолдану қажет болды. Науқас қан айналымын қолдайтын экстракорпоральды мембраналық оксигенация (ECMO) аппаратына қосылып, шунт пен тамыр діңін стенттеді", - деп хабарлады қалалық денсаулық сақтау басқармасы.
Науқас жеті күн реанимацияда жатқан және ECMO аппаратына қосылған. Кардиологтың айтуынша, бұл жағдай ерекше және өте сирек кездеседі. Операция үш сағаттан астам уақытқа созылған.
Дәрігерлердің кәсібилігі мен жедел әрекеттерінің арқасында науқастың жағдайы тұрақтанған.
