Ертіс өзеніне батып кете жаздаған ер адам құтқарылды

Бүгін Ертіс өзенінде арнайы қалқымалардан жасалған ескерту жолағынан асып кеткен ер адамды ағын алып кетті, деп хабарлады turkystan.kz.

«Абай облысының Жедел-құтқару жасағының қызметкерлері патрульдеу кезінде суға батып бара жатқан адамды байқап, жағаға жеткізіп, оған жедел көмек көрсетті. Құтқарылған адам медициналық көмекке мұқтаж емес. Ер адамның өмірін сақтап қалған қаһармандардың есімдері - Константин Ульянов пен Архат Тілеуберлинов», - деп жазылған ТЖМ баспасөз қызметі таратқан хабарламада.