Оңтүстік Корея ғалымдары миды қашықтан басқарудың жаңа әдісін ойлап тапты
Бұл әдісті олар Nano-MIND деп атады.
Оңтүстік Корея ғалымдары тышқандардың миындағы нейрондық жолдарды магнит өрісі арқылы басқарудың жаңа әдісін ойлап тапты. Бұл зерттеу туралы Nature Nanotechnology журналында жарияланды.
Оңтүстік Кореяның Негізгі ғылымдар институтының (IBS) ғалымдары генетика, нанобөлшектер және магнит өрістерінің комбинациясын пайдалана отырып, ми жолдарын басқарудың жаңа әдісін жасады. Бұл әдісті олар Nano-MIND деп атады. Технология тышқандардың миындағы арнайы нейрондық тізбектерді қашықтан басқаруға мүмкіндік береді.
"Бұл магнит өрісін пайдалана отырып, мидың белгілі бір аймақтарын еркін басқарудың әлемдегі алғашқы технологиясы", — дейді IBS наномедицина орталығының директоры және аға авторы Джинву Чон.
Бұл технологияның дәлдігі нейрондық жолдарды картаға түсіру немесе жаңа емдеу әдістерін сынау үшін зерттеушілерге үлкен көмек көрсетеді. Болашақта осындай нанотехнологияларды қолдану адамдардың нашар психикалық денсаулығын емдеуде немесе неврологиялық ауруларды емдеуде маңызды рөл атқаруы мүмкін.
