"Жастарды қорғауымыз керек": Данияда энергетикалық сусын сатуға тыйым салу туралы мәселе көтерілуде
Медициналық әдебиеттерде балалардың энергетикалық сусындарды тұтынуы мен мазасыздық, стресс және суицидтік ойлардың жоғарылауы арасындағы байланыс бары айтылады.
Данияның денсаулық сақтау саласындағы ұйымдар елде энергетикалық сусын сатуды реттеуді қатаңдатуға шақыруда, деп жазды kiosk.youboox.fr.
"Көптеген ел балаларды энергетикалық сусындардан қорғайды — біз де солай істеуіміз керек", — деп мәлімдеді ұйымның бас директоры Мортен Гренбек.
Осындай үндеулерді Данияның тұтынушылар кеңесі (Forbrugerrådet Tænk) және Данияның азық-түлікті бақылау басқармасы (Fødevarestyrelsen) да таратуда.
Тұтынушылар кеңесі, атап айтқанда, 16 жасқа толмаған балаларға кофеинді сусындарды сатуды тоқтатқысы келеді.
"Данияның азық-түлікті бақылау органдары энергетикалық сусындар балаларға жарамайды деген қорытындыға келді, өйткені кофеин олардың миы мен денесіне әсер етуі мүмкін", - деді Данияның тұтынушылар кеңесінің саясат жөніндегі директоры Карин Брек.
Медициналық әдебиеттерде балалардың энергетикалық сусындарды тұтынуы мен мазасыздық, стресс және суицидтік ойлардың жоғарылауы арасындағы байланыс бары айтылады. Егер Дания нақты шектеулер енгізуді таңдаса, ол басқа елдер, соның ішінде жас шектеулерін енгізген Латвия, Литва және Польша жасаған прецедентті ұстанады. Ұлыбритания да осы секілді шешім қабылдауы мүмкін: Лейбористік партия сайлау алдында кофеині бар энергетикалық сусындарды 16 жасқа толмаған азаматтарға сатуға тыйым салатынын мәлімдеді.
